الشاعر القدير الأستاذ / اسامه الطيب
النص : تعظيم سلام للست دي
تم النشر بــ مجلة نبض الشعراء برقم 582
العدد التاسع والخمسون الصفحة الأولى
★★ــــ★ــــ★★
تعظيم سلام للست دي
امي وست الامهات
طول عمرها من صغرها
عماله تدي في تضحيات
امي انا كل الهنا
وحنانها م النيل للفرات
ضحت عشاني بكل شئ
من يوم ماكنت وليد برئ
مسكت ايديا وسندتني
وعلمتني امشي الطريق
الست دي تعبت عشاني سنين طوال
واتحملت احمال يميل بيها الرجال
غزلت لنا بالحب توب ود ووصال
الست دي الوجه الحقيقي للجمال
يامادعتلي في صلاتها بدمعها
وياما كرمني ربنا من اجلها
لويوم بعدت بكل شوق ارجع لها
وبلاقي نفسي اما اترمي في حضنها
وانا النهارده بكل فخر اضرب لها
تعظيم سلام للست دي
امي وست الامهات
الست دي هي اللي وقفت
في الشدايد والمحن
قالت انا روحي فداك
لو عمري كان هوالتمن
الست دي هي الامان
هي اللي ع الروح تؤتمن
ساكنه في قلبي وف عنيه
وقلبها اكبر وطن الست دي
هي الطبيب هي الدوا وهي الشفا
شمعه بتحرق نفسها
علشان تقيد شمس الدفا
وصانا بيها ربنا
ونبينا المصطفي
الام دي الوجه الحقيقي للاصاله والوفا
وانا النهاردة بكل فخر في حبها بضرب لها
تعظيم سلام للست دي امي وست الامهات
بقلم
أسامه الطيب
يسعدنا مشاركتكم معنا ووضع لايك للفيديوهات التي وضعت بالقناة
بالضغط على رابط قناة ملتقى الشعراء والمبدعين العرب على اليوتيوب
https://www.youtube.com/playlist?list=PLSUGt4T3rT4ZToGavfJ_o-47iBzzbYFr_
ــــــــــــــــــــــــــــــــــــــــــــــــــــــ
المنشورات التي تم نشرها على الموقع الخاص بنا على تويتر
https://twitter.com/khaleda33127243
ـــــــــــــــــــــــــــــــــــــــــ
تم التوثيق بـ عشاق الكلمة لتوثيق القصائد والخواطر
برقم 3604 بتاريخ 26 / 02 / 2021م
https://www.facebook.com/oshaq.elkelmaa/
ــــــــــــــــــــــــــــــــــــــ
تم نشر النص بــ مجــلة الــرواد
https://www.facebook.com/magazine.rwad/
ــــــــــــــــــ
رابط النص بـ ملتقى الشعراء والمبدعين العرب
https://www.facebook.com/groups/784676328598944/permalink/1382227382177166
ليست هناك تعليقات:
إرسال تعليق