%E2%80%AC.jpg)
الشاعر / سمير ابراهيم خليل
النص / البرواز
تم النشر برقم 995 بــ مجلة نبض الشعراء الأدبيــة
العدد ( الألفية الأولى ) الصفحة الأولى
★★ــــ★ــــ★★
واقف أنا فوق ترابك بنده و أقول يامه
قومي إفتحي بابك ضميني ميت ضمه
محتاج لحضن دافي مشتاق لحب صافي
نفسي في ايدين تطبطب عليا أنا فوق كتافي
لا خالي فيه النفع ولا كمان العمه اااااااه يامه
ياصوره في البرواز يامه ياأعز الناس
في عيوني جوه قزاز وفي قلبي شوق
حساس مايطفهوش برواز
يا أمي إتكلمي وناديني أو سلمي
صحيني جوه منامي ضميني واترحمي
علي قلب في البرواز
إبنك صبح مظلوم بعدك وعاش محروم
من يوم ماروحتي بعيد قلبه إنكسر مهزوم
وأنت مابين برواز
لا أب عاش شافع ولا أخ عاد نافع
ولا أخت بتراعي ولا حد بيدافع
نسيوا اللي في البرواز
ياما الحنان إنت عطف وأمان كنت
حب الإله موجود ، موجود بحبك أنت
لو حتى في البرواز
كلمات
ليست هناك تعليقات:
إرسال تعليق