الشاعر القدير الأستاذ / محمد بدوى
النص : جوه منى
تم النشر بــ مجلة نبض الشعراء برقم 284
.....................
حاجه تايهه محيرانى
بركان وثائر غصب عنى
حاجه بتدغدغ كيانى
واخده منى كل روحى
حاسس بإنى حد تانى
ازاى هاعيش
وانا حد تانى جوه منى
عايش بدالى وواخد مكانى
ومش طايقنى جوه منى
غريبه ملامحى محيرانى
سألت نفسى غصب عنى
أبقى مين لخبط كيانى
وما عرفتنيش
شئ جوه منى لكن قاتلنى
خد منى قلبى خلاه يعانى
بصرخ وصوتى جوه منى
ف ضلوعى محبوسه المعانى
وصوت سكاتى أعلى منى
وصداه بيروح ويرد تانى
والصوت ماعليش
جوا منى كتاب م الخوف
كل صفحه مجهول مكانى
ومتسطره سطور ف صفوف
والحروف تايهه ف زمانى
ورسم إسمى تاه م الكشوف
وإتبعثرت حروفى وكيانى
وما سألتيش
تاه منى الكلام والشوف
ف صفحه سطورها محيرانى
ف كتاب أسمه مش معروف
مفتوح ومكتوب فيه الأمانى
وقلبى بينبض فى الصفوف
بدور على شوقى وكيانى
ومالقتنيش
بقلم ..
م/ محمد بدوى أبوالعلا
تم التوثيق بـ عشاق الكلمة برقم 3061 بتاريخ
24 / 04 / 2020 م
رابط النص بـ ملتقى الشعراء
والمبدعين العرب
ليست هناك تعليقات:
إرسال تعليق