الشاعر القدير الأستاذ : Yasser Abd Elhamid
النص : ليه .. يا حبيبتي
تم النشر بــ مجلة نبض الشعراء برقم 270
.........
ليه يا حبيبتي .. دنيتك صبحت جفا
ما كُنتي قدري . و كُنت قادر ع الوفا
صعبان عليا ف حب عمري يعيش يتيم
مين السبب ولا الحنين ليكي، اختفي
ليه يا حبيبتي .. دنيتك زي البحور
مش لاقية بر ومرسي .. دايما تثور
صعبان عليا انك كسرتي دفتي
و بقيت بكمل دنيتي ف رحلة فتور
ليه يا حبيبتي جنتك صبحت غما
بقي مستحيل بإني اوصل للسما
كل الطرق صبحت حواجز و قفلتي بابك
ايه اللي صابك انا كنت فاكرك انما ..!!
ليه يا حبيبتي تودعيني من غير معاد
صدقيني مش راح اقدر ع البعاد
ياما كنتي ليا حلم سابق عن زماني
ح أنتظر لو ترجعي يا إما حيطول الحداد
بقلم ..
الشاعر ياسر عبد الحميد
تم التوثيق بـ عشاق الكلمة برقم 3019 بتاريخ
18 / 04 / 2020 م
رابط النص بـ ملتقى الشعراء والمبدعين العرب
ليست هناك تعليقات:
إرسال تعليق