الأديب القدير الأستاذ / الشاعر السيد حماد
النص : عايش ليه
تم النشر بــ مجلة نبض الشعراء برقم 520
العدد الثاني والخمسون الصفحة الثانية
★★★★★
عايش ليه الحـق مـــوت
قبل قطر الموت مايفوت
الحقلك شبر جوة الأرض
تتـاوا فيـه بعد المــــوت
الحقلك منها شبر قماش
تتكفن بيه يكون يدوب
في حـجم ورقـة تـــوت
عايش ليه الحـق مـوت
قبل قطر الموت مايفوت
عايش ليه شغل مافيش
لابق ميه ولا لقمة عيش
انت ايه ماتســاويــــش
ولما تمرض ماتلاقــيش
حتى الحقنةليك ماتجيش
انت مـــين وابن مـــين
مانتش فيها حتي شاويش
ولا ابوك قاضي ولا اعلامي
امك رقاصة امك فنانة
قول ياولدي ماتخبيش
يعــــني امـــك مثاليه
يعني ليك قيمة ودية
ياخسارة طلعت مش هيا
امك طلعت ست عادية
شقيانة كأي مصرية
فلاحة طبيبةمدرسة
ان شالله حتي مهندسة
انت يادوب تخدم دول
من غير اجرة ولا بقشيش
لسه برضو عايز تعيش
عيش
بس مالكش فيها عيش
انت واهلك واللي شاكلك
تهميش تهميش تهميش
انت يدوب تخدم عنديهم
تحني ضهرك وتعديهم
وان فكرت مرة تقوم
تشبع ضرب مع تلطيش
لسه برضو ناوي تعيش
لاده وطنك ولا دي ارضك
ولا ليك فيها حق العيش
تزرع ماشي تحصد ماشي
تطحن تعجن تخبز ماشي
لكن تاكل لقمة تموت
انت في وطنك واد هلفوت
حتي خسارة فيك الموت
انت هاموش انت مافيش
انت مالكش حق تعيش
لو عرفت تموت موت
قبل قطر الموت مايفوت
.............
شعر/ السيد حماد
يسعدنا مشاركتكم معنا ووضع لايك للفيديوهات التي وضعت بالقناة
بالضغط على رابط قناة ملتقى الشعراء والمبدعين العرب على اليوتيوب
https://www.youtube.com/playlist?list=PLSUGt4T3rT4ZToGavfJ_o-47iBzzbYFr_
ــــــــــــــــــــــــــــــــــــــــــــــــــــــ
المنشورات التي تم نشرها على موقع تويتر
https://twitter.com/khaleda33127243
ـــــــــــــــــــــــــــــــــــــــــ
تم التوثيق بـ عشاق الكلمة لتوثيق القصائد والخواطر
برقم 3427 بتاريخ 10 / 01 / 2021م
https://www.facebook.com/oshaq.elkelmaa/
ــــــــــــــــــــــــــــــــــــــ
تم نشر النص بــ مجــلة الــرواد
https://www.facebook.com/magazine.rwad/
ــــــــــــــــــ
رابط النص بـ ملتقى الشعراء والمبدعين العرب
https://www.facebook.com/groups/784676328598944/permalink/1347252809007957/
ليست هناك تعليقات:
إرسال تعليق