الشاعر القدير الأستاذ / Ahmed Tolba
النص : نفسي ابيعك
تم النشر بــ مجلة نبض الشعراء برقم 676
العدد الثامن والستون الصفحة الأولى
★★ــــ★ــــ★★
نفسي أبيعك
عايز انسا
نفسي قلبي ينام مرتاح
نفسي أقدر إني أقسا
أو مااحسش بالجراح
وابقي زيك قلب جاحد
يبقي دايس عاللي راح
بس طبعي هو واحد
أن ديماً أقول سماح
نفسي احس بإنك انتي
تندمي علي بعدي يوم
لكن انتي كتير حبيبتي
وحبي زايد عن اللزوم
دي الحقيقه بإن انا
حبي باقي ١٠٠ سنه
أما ليكي يكون أنا
ماضي عدا مالوش لزوم
...........
نفسي لما اشوف ملامحك
مره واحده أكون حجر
بس لما بشوفها اسمحك
وابقي باصص للقمر
ماانا حابك وبجنون
لاء دا أكتر م الجنون
لو عليكي خلاص بهون
أنتي ليا أكيد قدر
انتي ليا ست كل الدنيا
بس مافيش نصيب
حاجه تانيه ان هي
إني شايف شيء غريب
حد تاني بتضحكيله
وانتي شمس بين نجوم
أنتي صح بترتحيله
ولا انا أكيد مصدوم
نفسي احس بإنك انتي
تندمي علي بعدي يوم
لكن انتي كتير حبيبتي
وحبي زايد عن اللزوم
دي الحقيقه بإن انا
حبي باقي ١٠٠ سنه
أما ليكي يكون أنا
ماضي عدا مالوش لزوم
...........
جوه عيني تبان دموعي
بس خايف تلمحيها
ببقي كاتم بين ضلوعي
خوف لصورتي تجرحيها
خوف بأني أكون قصادك
قلب مايت أو ضعيف
أو أبان قصاد صحابك
إني واحد بس ضيف
بس انا واحد بسببك
شال علي قلبه الهموم
غصب عني عشان بحبك
هدعي ليكي كل يوم
نفسي احس بإنك انتي
تندمي علي بعدي يوم
لكن انتي كتير حبيبتي
وحبي زايد عن اللزوم
دي الحقيقه بإن انا
حبي باقي ١٠٠ سنه
أما ليكي يكون أنا
ماضي عدا مالوش لزوم
..........
بقلم
أحمد طلبه
٢٠١٨/٥/٦
يسعدنا مشاركتكم معنا ووضع لايك للفيديوهات التي وضعت بالقناة
بالضغط على رابط قناة ملتقى الشعراء والمبدعين العرب على اليوتيوب
https://www.youtube.com/playlist?list=PLSUGt4T3rT4ZToGavfJ_o-47iBzzbYFr_
ــــــــــــــــــــــــــــــــــــــــــــــــــــــ
تسعدنا زيارتكم بالمرور على المنشورات والفيديوهات التي تم نشرها
على الموقع الخاص بنا على تويتر بالضغط على الرابط
https://twitter.com/khaleda33127243
ـــــــــــــــــــــــــــــــــــــــــ
تم توثيق النص بـ عشاق الكلمة لتوثيق القصائد والخواطر
برقم 4119 بتاريخ 26 / 11 / 2021م
التوثيق خاص
بـ أعضاء ملتقى الشعراء والمبدعين العرب فقط
https://www.facebook.com/oshaq.elkelmaa/
ــــــــــــــــــــــــــــــــــــــ
تم نشر النص بــ مجــلة الــرواد
https://www.facebook.com/magazine.rwad/
ــــــــــــــــــ
رابط النص بـ ملتقى الشعراء والمبدعين العرب
https://www.facebook.com/groups/784676328598944/posts/1575915512808351/
☆☆☆☆☆☆
خاص بالأعضاء بـ القناة على اليوتيوب
ليست هناك تعليقات:
إرسال تعليق