الشاعر القدير الأستاذ / وحيد محروس خليل
النض : البُكا ع الميت
تم النشر برقم 818 بــ مجلة نبض الشعراء الأدبيــة
العدد الثاني والثمانون الصفحة الأولى
★★ــــ★ــــ★★
ياللي بتبكي على الميت
والكل عليك باصص مخدوع
قلبك بيرقص من الفرحة
ومحدش فاهم الموضوع
بتبكي ليه عاللي مات
وعينيك مليانة بالدموع
عمال تنوح كدا بالساعات
وقلبك كأنه حزين موجوع
زي مايكون فيلم وبتمثل
من لحظة مايموت وهو بيتغسل
وكأنك زعلان بصحيح وحزين
بتدعيله بالرحمة ولله تتوسل
حرام كفاية وإرحم روحك
ياما أتمنيت إنه يموت ويغور
وظلمته كتير لجل ترضي طموحك
ونسيت إن بكرة هيجي عليك الدور
مش هو دا إللي أكلت ميراثه
وأذيته ياما في شرفه وعرضه
ومراعيتش مشاعره وإحساسه
وأستوليت على ماله بقى وأرضه
وأستكترت الخير والنعمة عليه
وكنت تشوف العمى وماتشفهوش
ومضيعتش فرصة إنك تإذيه
وكأننا في غابة مليانة وحوش
ياما قولت كلام كدب عليه
وسبيته بالعيبة وهي مش فيه
كان نفسه في كلمة طيبة ترضيه
لكن أنت أبداً ما رحمتوش
دلوقت جاي تصرخ وتنوح
ياعم إرحمنا وهوينا وروح
من جواك بترقص وبتطوح
سيبك من شغل حلق حوش
ياللي بتظلم أخوك أو جارك
كفاياك ظلم وصحصح فوق
مابين الخلايق هيتقل مقدارك
وربك شاهد وعالم فوق
رد المظالم بقى لأصحابها
وأستغفر ربك وكفاية وتوب
ليك السما تفتح أبوابها
وأرضى بنصيبك بقى والمكتوب
لا المال بينفع ولا حتى الجاه
ولا شيء بيفضل إلا عملنا
ولا حد بياخد حاجة معاه
والصالحات هي إللي هتبقالنا
البُكا ع الميت
شعر/ وحيد محروس خليل
تم توثيق النص بـ عشاق الكلمة لتوثيق القصائد والخواطر
برقم 4890 بتاريخ 11 / 12 / 2022م
التوثيق خاص
بـ أعضاء ملتقى الشعراء والمبدعين العرب فقط
ــــــــــــــــــــــــــــــــــــــ
النص متواجد الآن بــ مجـلة الـرواد الأدبيـة للنشـر
ــــــــــــــــــ
رابط النص بـ ملتقى الشعراء والمبدعين العرب
☆☆☆☆☆☆
محبتي وأحترامي ـ فضلاً لا أمر دعم القناة
يرجى الاشتراك(
) ليصلكم كل جديد و اللايك() هو أقوى دعم ممكن أن تقدموه لنا
) ليصلكم كل جديد و اللايك() هو أقوى دعم ممكن أن تقدموه لنا فلا تبخلوا به علينا فعل زر التنبيهات (
) ليصلك أشعار لحظة نشر الفيديو
) ليصلك أشعار لحظة نشر الفيديو
ليست هناك تعليقات:
إرسال تعليق