الشاعر القدير : على عبد الرحيم
النص : عشق الجن
..................
هو من الانس
وهي من الجان
قبل الزمن مايحس
جمع مابينهم الحرمان
هو من الانس وهي من الجان
قالت ياعشيق برسيا الجنيا
يا انسي يا جني عشقاك لاني
شفتك قمر بينور لياليه
يا انسي يا جني
مين يقدر ياخدك مني
وانت حاييني وانت قاتلني
دا حنان الدنيا ساكني
زارعهولك قلبى وحرصهولك عنيه
برسيا الجنيا
فى نار النهار. مع ناسك
تتكوى بالبهدلا. والدرواشا
وتشرب من الجنون كاسك
نهار الانسيه نهار الاسيه
والليل ليا انا جنتك هنا
هاغزلك من النجوم حرير
وابعد عنك حزن المواويل
واندهلك الشجر والقمر
والكروان والسهر
وف عنيك يحلا الغنا
وف لياليك اموت انا منسيا
برسيا الجنيا
هو نزل المطر من عنيه
وشاف الشمس بتضحك ليه
صرخ والكون حواليه صرخ
مش واخد الانس ع الفرح
من مرار الحرمان والقاسيه
اللي شربوا من بحور الانسيه
قال لها ياللي باعتك القدر
عواطفي ومشاعري صخر وحجر
من كسرة قلبى من البشر
من عطش بحرى من الحنيه
برسيا يا جنيا
حزينه قوى سنينى
حزينه قوى فرحيني
زى الطير عايز اطير
زى الطفل عايز العب
واضحك وابكى واتعب
وبعيد عن حضنك اغيير
واتنطط وف ايامك اتشعبط
واول حضن حنان احس بالامان
وانسى الحرمان وسنين القاسيه
دا نهار الانسيه نهار الاسيه
برسيا الجنيا
قالت يا انسي يا جني
وحياة عشقك اللي اسيرني
راح انحت اسمك ف جبال الانس
راح ارسم ملامحك ف جبال الجن
وصورة ايامك تداوى الامك
وتضحك قدامك وتحس وتحن
ليا وحدى انا الجنا هنا
والنار والمرار عند الانسيه
برسيا. الجنيا.
تمت بحمد الله
بقلم ..
على عبدالرحيم محمد
تم التوثيق بـ عشاق الكلمة برقم 2652
بتاريخ 22 / 2 / 2020 م
https://www.facebook.com/oshaq.elkelmaa/
ليست هناك تعليقات:
إرسال تعليق