الشاعر القدير : جابر عبد العزيز
العوامى
النص : شفتي يا دنيا وصلنا لفين
.................
شفتي يا دنيا وصلنا لفين
بعد ما كنا اتنين عاشقين
قلنا يا دنيا فراقنا محال
لقيتني يا دنيا مع التايهيين. شفتي يا
دنيا وصلنا لفين
كنا بنحلم نفس الحلم
إننا نخرج بره الظلم
ظلم القلب عذابه كبير
جرح وهجر وقلب حزين....شفتى يا قلبى
وصلنا لفين
كانت كل شموع لياليه
شمسي وقمري وضي عنيه
تاهت لما سرحت شويه
ورحلت تاني مع الراحلين...شفتى يا
دنيا وصلنا لفين
رحت يا دنيا ادور وألف
واضرب ايدي كف بكف
وابحث عنها بكل مكان
ابكي وأبكي بدمع العين...شفتي يا دنيا
وصلنا لفين
قالتلي يا عمري أنا عمري معاك
ولا اطلبش إلا سواك
وعمري راح أكمله وياك
أقسم لك بيوم الدين....شفتى يا دنيا
وصلنا لفين
خانت عهدي فى لحظة غدر
وصفو حياتنا أصبح كدر
وطعم الدنيا أصبح مر
خلت راسي بقت فى الطين..شفتى يا دنيا
وصلنا لفين
قالت صورتك جوه العين
جوه بقلبى بقالها سنين
اتاري حبيبتي بتغزل كفني
وشطبت قلبي من العايشين
وصلنا يا دنيا اتنين تايهين...شفتى يا
دنيا وصلنا لفين
بقلم ..
جابر عبد العزيز العوامى
تم التوثيق بـ عشاق الكلمة برقم 2661 بتاريخ
25 / 2 / 2020 م
https://www.facebook.com/oshaq.elkelmaa/
ليست هناك تعليقات:
إرسال تعليق