الشاعر القدير الأستاذ / Ahmedm Elshazly
النص : حسن الاختيار .. مفتاح العمار
تم النشر بــ مجلة نبض الشعراء برقم 369
..........
قاعد مع نفسي ومبلْم
لاانا ساكت ولا قادر اتكلم
قالوا مايقع الا الشاطر
والدنيا كوارث ومخاطر
ماتعدش خيبة بالويبة
شماعة للحظ العاثر
علي باب قلبي سامع تخبيط
وف بال عقلي فكر وتخطيط
انا قلت ياواد شخبط شخابيط
واتبسم للدنيا اتبسم
وعلي الناس الحلوين سلم
اول من خبٌط علي قلبي
اناشوفته ملاك
سهوكة وغرور زاد عن حده وجمال فتاك
وحقيقي طول عمري ياقلبي اهوي الحلوين
لكن مش سهل اوهب قلبي ان شالله لمين
اناقلت له آسف مش انت الحب المطلوب
واحبك ليه واندم وابكي اللبن المسكوب
تاني قلب يخبط على قلبي خلاني محتار
مااعرفش ان كان مخلص ولا تعلب مكار
بيحب المال والجاه لكن لاحياء ولادين
وانا مالي وجاهي قرآني ورضا الوالدين
والحب ان كان لغرض
يبقي عليه العوض
انا قلت اقفل قلبي ف وشه
لااكدب علي روحي ولا اغشه
والتالت خبط على قلبي وفتحت الباب
ح تقابله ياقلبي بتكشيرة ولا بترحاب
اول ما فتحت لقيت روحه بتحضن روحي
من تحت لتحت حنان عينه دوا لجروحي
اناقلت ياقلبي داحبيبي اللي انا باحلم بيه
والشوكة ف رجلي بتشكه في حبابي عنيه
اخلاق وحياء وأصالة ودين
رضا بالمقسوم حامدين شاكرين
احساس وشعور دايما واحد
وبنفهم بعض بلغة العين
دقق واختار قبل ما تخطب
وبذات الدين. اربح تكسب
قبل ما تندم وتقول لي باربت
من امتي ياريت بتعمر بيت
بقلم
أحمد محمود الشاذلي
تم التوثيق بـ عشاق الكلمة لتوثيق القصائد والخواطر
برقم 3405 بتاريخ 24 / 06 / 2020م
https://www.facebook.com/oshaq.elkelmaa/
رابط النص بـ ملتقى الشعراء والمبدعين العرب
https://www.facebook.com/groups/784676328598944/permalink/1170275583372348/
ليست هناك تعليقات:
إرسال تعليق