الشاعر القدير الأستاذ / مالك الهدهودي
النص : صرخة شهيد
تم النشر بــ مجلة نبض الشعراء برقم 353
.......
ورد الجناين فرحان ينادي
القلب يسمع من غير كلام
رسمة وشوش وكمان بشوش
خيال يسابق وسط الزحام
والقلب جامد عمال بينبض
نبض الشجاعه ومفيش اوهام
امسك سلاحي وسط الافاعي
ف بحر شوك من الالغام
اسد جسور وسط البحور
يدفع بموجه كومة سهام
وباعلي صوت افدي بلادي
واكون شهيد ساعة الصيام
دا الكل فاني ومش هعاني
افضل كبير واكون زمام
ورد الجناين فرحان ينادي
حب بلادي جوا فؤادي
ومش هخاف الكل شاف
ف حروب كتير نصر بلادي
واكون شهيد وابقي سعيد
وراية النصر في ايد ولا دي
حابين نعيش ذي الوحوش
ف كل شبر وكل وادي
الفرحه تكمل والنصر يكبر
وصية اب عن اجدادي
دول علمونا منطاطيش
وجبينا فوق كل الاعادي
بقلم
مالك الهدهودي
تم التوثيق بـ عشاق الكلمة لتوثيق القصائد والخواطر
برقم 3354 بتاريخ 13 / 06 / 2020م
https://www.facebook.com/oshaq.elkelmaa/
رابط النص بـ ملتقى الشعراء والمبدعين العرب
https://www.facebook.com/groups/784676328598944/permalink/1141563982910175/
ليست هناك تعليقات:
إرسال تعليق