الشاعر / نذير دهان
النص / البصله
تم النشر برقم 891 بــ مجلة نبض الشعراء الأدبيــة
العدد التسعون الصفحة الأولى
★★ــــ★ــــ★★
موال
يابصله خانم أنا جايه اطلب يدك
دخلك حني يالروحي صارت عندك
جبت الخاتم وماناقص إلا ردك
لو قلتي لأ،،،رح اقضي عمري بعذاب
يبا،،، يابا،،،،وكمان يابا،،،،،أنا قلبي داب
/////////////
يا أمة الله قولولي
شوهللي صار
قالوا الأسعار عم تطلع
والغلا بالويل
اللقمه صارت بتكلف
جهنم نار
وألهم سيطر علينا
وانهد الحيل
الدموع الكانت بتهدي
قرصات الجوع
تغسل الهم من قلوبنا
يوم تجري سيل
////////////
نشفت ماعاد في إلها
بالعيون مكان
غابت ورمتنا للحسره
ندعي يارب
لو دمعه وبس ت بقلوبنا
يهدى البركان
يهدى يمكن تساعدنا
وتزيل الكرب
حتى نحزن على حالنا
اصبح ممنوع
يامواطن الله يعينك
هموم أحميل
////////////
وبعدالتفكير والتمحيص
بين أهل الطب
قالوا الدموع ماغيرا
وحدا الحل
البصل بخللي الدمعه
ع الخد تصب
قلنا بسيطه نزلنا ع السوق
لقينا بصل ماضل
ياامة الله ياجماعه
رح أصير مصروع
صرت امشي واتمايل
من ميل لميل
////////////
قالوا ،،،التجار يوم عرفوا
البصل الحل
أحتكروه قوام وبدن
يجنوا ملايين
عرضوا البصله ع البسطه
بأحلى محل
وجابوا ربابه ودربكه
وصاروا يغنوا
بدك بصله بلا عمله
صعبه ممنوع
تشكي تبكي وان شالله
تضرب بهالموديل
تطق تموت ومن قهرك
ما تنام الليل
/////////
شعر ؛ نذيردهان
ليست هناك تعليقات:
إرسال تعليق