الشاعر / عبدالرؤف جلال
النص / امرأة من الصعيد الجواني
تم النشر برقم 860 بــ مجلة نبض الشعراء الأدبيــة
العدد السادس والثمانون الصفحة الأولى
★★ــــ★ــــ★★
امرأة جنوبية تتذكر عبد الرحمن الابنودي
.............
والله وطالت
الغيبة ي عبد الرحمان
وكانك مت
من زمان
ليك وحشه
يا واد
حصلت اللي مات
من مية حول
من يوم ما مت
لحد مفتكر
اللي غاب
ولا حد بيسأل
علي الأحباب
كنت خايف
تموت في الغربة
واهه مت
وشبعت موت
زي اللي مات
حصلت يامنه
وحراجي القط
حتي كرم السنط
اتشال بعد ما مت
واتبني مكانه
عمارات
اه يا عبد الرحمان
كان نفسي
اكون واقفة
على غسلك
واتملي يا واد
من وشك
لكن الشوفه
يا ولدي نصيب
وكمان كان نفسي
الدفنه تكون
في ابنود
بين ناسك
وفي مسقط رأسك
لكن النصيب
تعيش غريب
وتموت غريب
وتتدفن في
ارض الكنال
بين الشهداء والأبطال
وايه خدت
من الدنيا
غير الشندله
ووجع القلب
وعدم راحه البال
اه يا عبد الرحمان
شالوك جوه
عربية الاموات
زي البهوات
كان نفسي
يا ولدي
اعدد عليك
عدووتين
واضم علي صدر ى البتين
والله وحشنى
قوي يا عبد الرحمان
ليست هناك تعليقات:
إرسال تعليق