الشاعر / هشام علي
النص / الوقت أهو فات
تم النشر برقم 869 بــ مجلة نبض الشعراء الأدبيــة
العدد السابع والثمانون الصفحة الأولى
★★ــــ★ــــ★★
إنتي يا إنتي
يا أجمل نور زاين لي مدينتي
يا أجمل ما في الكون يا جميلتي
دا أنا علشانك ابيع الدنيا
وتهون ليكي كمان عيشتي
د انا بجمالك ما شفتش زي
وإنتي لروحي النور والضي
وف أحلامي جيتي سكنتي
آه ياللي إنتي
من أشواقي
كنت بناجي الورقات
ممكن تيجي ؟
أو تتأخّر ... وبتعتذري
معلش سامحني الوقت أهو فات
كنت بخاف لأكون كدة بسرح
والعزال كانوا فينا بتفرح
كنت بخاف لأروح مشواري
وإنتي تقولي الوقت أهو فات
تاهت فينا كتير متاهات
جعلت بينّا كتير خلافات
علشان كدة غالية أوي عندي
بقلق قبل م تيجي ساعات
وأقّلب ياما أوي في دفاتري
لأكون ناسي بعض حاجات
ليه يا حبيبتي أنا متحّير
ليه تفكيري سايب لي حاجات
دايماً سايب كل مشاعري
تلعب بيَّ بعض الأوقات
كنت بخاف لأروّح مشواري
وإنتي تقولي الوقت أهو فات
تاهت فينا كتير متاهات
جعلت بينّا كتير خلافات
شمعة عمري وعايش ليها
إنتي يا روحي ... يا كل حاجاتي
كنت أتمنى أعيش حواليها
باقي العمر لحد مماتي
وأمّا لقيتك واقفة في صفي
عرفت أنا إنك كل الآتي
سيبت ظروفي وكل حروفي
ترسمي بيها شكل حياتي
كنت بخاف لأروح مشواري
وإنتي تقولي الوقت أهو فات
تاهت فينا كتير متاهات
جعلت بينّا كتير خلافات
*****--*****
الهرم في ١٩ / ٣/ ٢٠٢٣ م
اغنيتي الجديدة
" الوقت أهو فات "
إحدي مؤلفاتي
هشام علي
ليست هناك تعليقات:
إرسال تعليق