الشاعر
القدير الأستاذ / محمد بدوى
النص : فاكرانى ولا نسيتنى
تم النشر بــ مجلة نبض الشعراء برقم 319
..........
كان فى بنت ف دراستى
ما أنكرش برقتها شغلتنى
فاكرانى ولا نسيتنى
كنت بكتب أسمها وأسمى
على رسمة قلب من رسمى
ياترى إن قولت هاتسمعنى
بعد ما كبرت عن سنى
وياترى ف صمتى يتوه صوتى
ولا ف صوتى يتوه صمتى
فاكرانى ولا نسيتنى
ونسيت صوتى وكمان صورتى
كانت بنت عينيها سحرانى
م الدنيا بجمالها واخدانى
وبروحها الحلوه شغلانى
ومعاها سابقت أوانى
كانت دقه ف قلبى قسمانى
بجمالها ورقتها هوسانى
كانت بنت جد ب 100 راجل
وجمالها كان جمال كامل
سكوتها وصمتها رهيب قاتل
فاكرانى ولا نسيانى
صوتها بيرن فى ودانى
وملامحها م الدنيا سرقانى
وصفاتها من نفسى واخدانى
نسيانى ولا فاكرانى
ومكتوب أفتكرها وتنسانى
وقولت اقرب اسألها
يمكن اشغلها بالها
وأنول نظره من عينها
لكن كانت شكلها فاهمه
إن سؤالى كان لعبه
عشان أقرب لها بحرفه
وشغلتلى بفكرها بالى
واتغير مع الزمان حالى
ومعرفش ايه اللى كان مآلى
اتابعها من بعيد لبعيد
ولو اكلمها يبقى يوم عيد
ولو ردت مره ببقى سعيد
وعارف بأن إصرارها عنيد
كان كل يوم بيعدى جديد
كان اصرارى بالقرب يذيد
فاكرانى ولا نسيانى
سايبالى ذكرى ف وجدانى
أصلها بالنسبالى شئ تانى
بقلم
م / محمد بدوى أبوالعلا
تم التوثيق بـ عشاق الكلمة لتوثيق القصائد والخواطر
برقم 3233 بتاريخ 27 / 05 / 2020م
https://www.facebook.com/oshaq.elkelmaa/
رابط النص بـ ملتقى الشعراء والمبدعين
العرب
ليست هناك تعليقات:
إرسال تعليق