الشاعرة القديرة الأستاذة / فايزة
بحيري
النص : خطاوي الليل
تم النشر بــ مجلة نبض
الشعراء برقم 298
..................
يمكن خطاوي الليل بتتسابق على دمعي
لكن عيوني صخر واللمعة دي من برقي
يمكن مسافات اللقى حلفت تبعدنا
لكن قلوبنا ونبضنا حالف يقربنا.
................
يافجر طل وقرب المسافات
متسرقناش من الأحلام وخليها
تنور شمس ليالينا، ليالي القرب.
................
طولت في بعادك
فايت هنا أحبابك
بيقاسوا في بعادك
إيه اللي جرالك.
................
مش قلت ليالينا
بكرة هنرويها
دي حكاية ولا ليلة
ولا الف ليلة وليلة
................
فاضت ليالي الشوق
وحشة ورا وحشة
وإن كنت مش صادقة بنظرك
إسأل دموع سايلة.
................
شاري الهوى مجنون
ورضيت أكون مجنون
ومسيرنا نتلاقى
لازم دي أرض الله.
................
سلملي عالأحزان
خبي بعيد خبي
طالت ليالي الحزن
والليلة عيدي وحدي.
بقلم
فايزة بحيري
تم التوثيق بـ عشاق الكلمة لتوثيق
القصائد والخواطر
برقم 3116 بتاريخ 10 / 05 / 2020م
رابط النص بـ ملتقى الشعراء والمبدعين العرب
ليست هناك تعليقات:
إرسال تعليق