الشاعر القدير الأستاذ / ابو حسان
النص : أمانه عليك يا قبر .. قلبي يترجاك
تم النشر بــ مجلة نبض الشعراء برقم 295
..........
امانه عليك ياقبر .. قلبي بترجاك
مايكون فيك حصى •• ولا طوب
جايلك ولد راجل •• زين الرجال
لكن من الغدر والخسه بقي معطوب
........
بداية قصته هاحكيها ليكم بالمظبوط
وصله الخبر إنه للخدمة بقي مطلوب
لبى الندا يوم مانادوا عليه وماتأخر
كما لو كان الندا من عاشق لمعشوقته
........
استلم مخلته من فرحته واستعجاله
مااخدش باله القايش لبسه بالمقلوب
علي طول مجمع صحابه بضحكته
دمه خفيف ودايما قلبه كان طيوب
واقف خدمته والبرد فصفص جتته
والشمس زودت سمار إيده وجبهته
........
وياسلام علي يوم مااترقي لشاويش
ياااااااااااه مش قادر اوصف فرحته
عدت أيام ولا نام يوم على فرشته
صابر وراضى حتى ما بيختار لقمته
يقول بلدي عرضي بكل عزمه وهمته
حاسب ليوم خروجه يكون يوم دخلته
وكمان أمه مستنياه ومجهزه نفسها لزفته
........
عدت الأيام وراجع علشان يسلم مخلته
راكب مع زمايله قصتهم هي نفس قصته
وعقله كان مشغول وقلبه بيرقص لفرحته
وفجأة غدر بيه شوية أندال بعمل جبان
ساعتها كان مع زمايله وبياكل في وجبته
لاخرج الأااه منه ولا طلعت حتي صرخته
........
رجع لامه وبرضه صممت على زفته
وخدته فى حضنها وضمت قلبه لقلبها
ونادت بصوت عالى يااارب حلي جنته
واجعل ليلته سعيده وتمم له فرحته
قلبي وربي راضيين عليه ومبسوطه ليه
وبجهز اخوه اللي بعده يستلم بندقيته
.............
بقلم
أبوحسان
٣ مايو٢٠٢٠
تم التوثيق بـ عشاق الكلمة لتوثيق
القصائد والخواطر
برقم 3107 بتاريخ 06 / 05 / 2020م
رابط النص بـ ملتقى الشعراء والمبدعين العرب
ليست هناك تعليقات:
إرسال تعليق