الشاعر القدير الأستاذ / على عبد الرحيم
النص : بدايه ونهايه
تم النشر بــ مجلة نبض الشعراء برقم 308
............
وقربت تنتهى الحكايه
من غير مانعرف ولا نشوف
ازاى كانت الدنيا قبل البدايه
يا كل العذاب والخوف والرعب
ايه اللي هايكون بعد النهايه
وايه اخبار اللي سباقونا
شافوا ايه عالمهم ايه ايه
كلنا جايين جايين بس طمنونا
حروف كلامى مش جنون لالا
حروف كلامى مش معاصى استغفر الله
حروف كلامى هى سبب خوفى والامى
وعالم الغيوم والضباب والحيره اللي جوايا
وقربت تنتهى الحكايه
اصرخ ياناي يا ناي مع غنايا
وقول لي ازاى ازاى الاقى جواب
لعالم الحيره والرعب والعذاب اللي جوايا
وقربت تنتهى الحكايه
مش تقوليلي يا دنيا انك فانيه
وبعدك فى حياه تانيه
ما كنتش احبك ولا ثانيه
ياسبب عذابى وشقايا
حروف كلامى مش جنون لالا
حروف كلامى مش معاصى استغفر الله
حروف كلامى هى سبب الامى
وعالم الحيره اللي جوايا
وقربت تنتهى الحكايه
من لحظة قطع حبل الصره
وتاتا تاتا وماشاء الله
وعيش يا انسان الحياه
وشوف الزمن وشقاه
ودووق الحلوه والمره
وتسرسب سنينا منا وتفرقنا
من رضيع لصبى لشاب شقى
لناضق والشيخوخه بتقابلنا
وننتظر اخر لحظه واخر دقه
يارحيم يا رحمن ياغفور ياعليم
عفوك ورضاك اغفر لتا ياكريم
من البدايه للنهايه
بقلم
على عبدالرحيم محمد
تم التوثيق بـ عشاق الكلمة لتوثيق القصائد والخواطر
برقم 3176 بتاريخ 23 / 05 / 2020م
https://www.facebook.com/oshaq.elkelmaa/
رابط النص بـ ملتقى الشعراء والمبدعين العرب
https://www.facebook.com/groups/784676328598944/permalink/1148385238894716/
ليست هناك تعليقات:
إرسال تعليق