الشاعر القدير : على عبد الرحيم
النص : ياقلبى
-------
أرحم ضعفى قدام عنيها
وخبى حبى وحيرتى
وغيرتى عليها
وقول لدقاتك تهدى
عليه شويه
سهر الدنيا ترك لياليها
وعاش ف عنيا
وكل لحظه بفكر فيها
ومش بأديه
وكل نبض فيا بيسأل عليها
أرحم ضعفى قدام عنيها
مين يعرف يمكن تكون
زى ام القلب المجنون
زى ام العيون اللي بتخون
تتمناك وتقربلك
وكل حاجه فيها بتقولك
يا عمرى ياقلبى بعشقك
يا قمرى ياحبى بندهك
وتخليك تحنلها
وتنسى ليلك وتسهر ليلها
وف عز حزنك تعزف من حزنك
غنوة حب وقرب وفرح وتغنيلها
وتسعد كل ايامها
وتبعد عنها حزن مواويلها
وطبطب وداوي الامها
وهى تنسى وتكدب وتقسى
وتبعد عنك ايامها
وتتكحل ب الانانيه اللي فيها
اتاريها بتحب ب عنيها
ارحم ضعفى قدام عنيها
وقول لدقاتك تهدى
عليه شويه يمكن
تكون يمكن تخون
زى اللي قبليها
أرحم ضعفى قدام عنيها
لو كان قلبها هو اللي بيحب
هو اللي يقربلك
واهات دقاته تطلب الود
بعلو الصوت وتندهلك
والصدق يمطر من عنيها
كلام مسكر ويغنيها
يغسل احزانى ويروى حرماني
ويسعد ايامى اه ولياليها
لحظتها حب قلبها وعنيها
اعشق السهر اللي ف لياليها
يمكن تكون مش كدابه
مش هاتهون عليها
مش بتخون زي اللي قبليها
ارحم ضعفى قدام عنيها
وخبى حبى وحيرتى
وغيرتى عليها
ياقلبى
بقلم ..
على عبدالرحيم محمد
تم التوثيق بـ عشاق الكلمة برقم 2711 بتاريخ
06 / 03 / 2020 م
https://www.facebook.com/oshaq.elkelmaa/
ليست هناك تعليقات:
إرسال تعليق