الشاعر القدير الأستاذ : على عبد
الرحيم
النص : ضحايا كورونا
تم النشر بمجلة نبض الشعراء برقم 226
..................
ألوووووووو
خدى بالك يا حكومه
من الغلابه اللي سجانهم الجرثومه
من الفقير والأجير والمزارع
واللي صانع واللي شايف وسامع
وعاجزه ايديه ومحرومه
خدى بالك يا حكومه
من الناس اللي
قوت يومها طقه بطقه
اللي من كتر همومها
من العوزه مرارتها طاقه
ومن طمع التاجر وجشع الطبيب
املهم فى الدنيا بيخيب
وعنيهم جعانه ومكسوره
خدى بالك يا حكومه
عامل اليوميه والله بكى عنيه
لما قال عاجزه وخاينه لياليه
حتى من المرض الجته مظلومه
خدى بالك يا حكومه
وحياة النبى يارجال الاعمال
يا مزارع الجاه والاموال
حسابكم عند اللي مغير الاحوال
معظمكم بياكل من قته محلوله
خدى بالك يا حكومه
ومش هاقول حاجه تاني
عشان انا من الطينه اللي بتعاني
لو كتبت عن ظلم الدنيا
دقات القلب هاتقف محسوره
ومحسوره ووووووو ومقهوره
ومع ضحايا كورونا تاخد صوره
خدى بالك ياحكومه
بقلم ..
على عبدالرحيم محمد
تم التوثيق بـ عشاق الكلمة برقم 2880
بتاريخ 28 / 03 / 2020 م
https://www.facebook.com/oshaq.elkelmaa/
ليست هناك تعليقات:
إرسال تعليق