الشاعرة القديرة : Sahar Abo
Alola
النص : لو كنت
.............
لو كنت
لو كنت طولت النظر يومها شوية
لو كنت شايف يومها قلبي مش عنية
كنت شفت كلام كتير مداري ورا القسية
كنت شفت اني بعاتبك واني مكنش قصدي
تبعد
كنت شفت اني بحبك واني عاوزاك بس توعد
اننا مهما اختلفنا ميكونش ابدا بينا
بعد
مهما هيكون اختلافنا فى النهاية نكون
لبعض
لو كنت طولت النظر
كنت شفت انك حبيبي
ان حبك سيل بيجري فى وريدي
واني كنت فاكرة حبك
بعد صيامي هيبقي عيدي
و ان فجرك راح يزورني
يضيع العتمة فى ليلي
و ان حبك راح يكون لي
و ان قلبك راح يصوني
و انك راح تكون ربيعي
بس يا خسارة.
لو كنت طولت النظر
كان زمانا لسة ايدك ماسكة ايدي.
بقلم ..
السلطانة
سحر ابوالعلا
تم التوثيق بـ عشاق الكلمة برقم 2752 بتاريخ
12 / 03 / 2020 م
https://www.facebook.com/oshaq.elkelmaa/
ليست هناك تعليقات:
إرسال تعليق