الشاعر / هشام علي
النص / في هدوء الليل
تم النشر برقم 972 بــ مجلة نبض الشعراء الأدبيــة
العدد الثامن و التسعون الصفحة الأولى
★★ــــ★ــــ★★
أنا كل م ألاقي الليل هادي
.......... يجافيني النوم
وأفضل لك صاحي ومستنّي
.......... شبه المحروم
عمّال تنسانا ف مواعيدنا
.......... م الحب نصوم ؟
م تفوق يا حبيبنا الله يحبك
.......... مش وقته النوم
.............
في هدوء الليل الناس تسهر
......... وتقول أشعار
وإن ظهر النور ليهم فاجأة
......... يقولوا دا نهار
طالع من بدري الله يسامحه
......... خطف الأسرار
ويحيّوا بعض وكمان يمشوا
......... وبدون أعذار
.............
اشاعات الحب دي شماعة
......... بين أي اتنين
إن طلبت غدر في دقيقة
......... يبدلوا بأنين
وينسوا عشوش كانوا بنوها
......... فوق شجر التين
غدار إللي م يخلص من قلبه
......... منهم حبيبين
....................................
الهرم في ١٠ / ١١ / ٢٠٢٣م
في هدوء الليل
أغنية من تأليفي
هشام علي
ليست هناك تعليقات:
إرسال تعليق