%E2%80%AC.jpg)
الشاعر / محمود عفيفي دومة
النص / فلسطيني
تم النشر برقم 965 بــ مجلة نبض الشعراء الأدبيــة
العدد السابع و التسعون الصفحة الأولى
★★ــــ★ــــ★★
وده ترابي ودي ارضي
وده شرفي وده عرضي
ودي رملي وده طيني
وده انا.
.....صاحب الحق فلسطيني
وده المحتل
ميزان العداله جه عنده اختل
ساطي وسطي ع داري.
وداء..... نخر واتسل
يا اهل الحل...
ليه مات الحل.
غلب غلبه وكل. ومل
وطعم ايامي صبحت خل
وصبح الغاصب صاحب حق
والمغصوب من أمه لأمه...
.. اشتكي وانذل
كل بيبان الحق طرقها
لاحلول ولا رد
كل لسان خرس واتشل....
طب ايه الحل
نفس سلاحه نحارب بيه
قوه بقوه
ومع الفارق.... انه سارق
. وانه فتوه
لكن والله لا نسيه النوم
يانا ياهو
واخد حقي وراح اخليه
بعذابي يتلوي
واخليهاجهنم حمرا يجري عرايا
وم النار يتشوي
واهو... قد كان
شافوا الرعب ف كل مكان
هجروا المدفع والدكان
خليت كل بنايه بنوها
مفيهاش فار ولا فيها سكان
وافهمه ايه معني امان
ويفوق يرجع يراجع نفسه
بعد ماصابه غرور النسيان
ويتذكر ان دي ارضي
وده طيني
وده رملي. وده وطني
وتاج راسي
فلسطيني
ليست هناك تعليقات:
إرسال تعليق